أخبار عالميةرياضة

مدرب الزمالك الجديد (3).. جروس «الظالم الكافر المجرم الخمورجي» «خسرت 7 نقط وانت بتلعب في مناخيرك»

كشف مرتضى منصور رئيس الزمالك عن تصفية عدد المرشحين لتدريب الفريق لتنحصر المنافسة بين باتشيكو وفيريرا وجروس وكالديرون، الأخير فقط هو لم يدرب فريق الزمالك والثلاثي كل مدرب له قصة مع النادي.

ويستعرض El-Ahly.com أبرز التصريحات التي طالت الثلاثي عقب الرحيل وأثناء تواجدهم في قيادة فريق الزمالك والذي تمس الشرف من قبل مسئولي الزمالك.

مدرب الزمالك الجديد (١).. فيريرا الهارب الفاشل «الخمورجي»

مدرب الزمالك الجديد (2).. باتشيكو «اللي خد حلاوة المولد وهرب» و«مكانش بيستحمى»

جروس صاحب الكونفدرالية

بدأ السويسري جروس مشواره مع الزمالك الذي استمر لفترة طويلة وحقق لقب الكونفدرالية الأفريقية قبل أن يحرل بنهاية تعاقده.

ولكن رغم تأكيدات مسئولي الزمالك على تجديد التعاقد مع السويسري غير أن في النهاية رحل عن تدريب الفريق قبل نهاية الدوري.

وهاجم مرتضى جروس أمام اللاعبين في تدريب الزمالك: “مش هحملكم المسئولية فيه كوتش عارف ان فيه تغيير تالت والتغيير لازم يتم واللاعب اللي مش قادر يطلع”.

وعقب تعادل الزمالك مع سموحة توعد مرتضى منصور جروس: “خسرت 7 بنط وانت قاعد تلعب في مناخيرك، الكرة مش كيميا، هو فين أيمن حفني لأ هيلعب أيمن حفني وهيلعب مصطفى فتحي وهيلعب مدبولي ، النادي مش مخطوف، هو الاستقرار يعني الاستكراض، بنكسب بمهارة اللاعيبة مش بمدرب

وقال مرتضى منصور عقب تعادل الزمالك والإنتاج الحربي: “جروس ده انسان فاشل وظالم والعيال اللي عملوا هاشتاج جروس يبقى شكل امهم ايه دلوقتي، أنا عصرت ليمونة وشكرته وهزرت معاه عشان عارف المتربصين، هذا الرجل فاشل، لما تكلمني عن الكونفدرالية لأ خسرنا أربعة والجمهور العظيم واللعيبة سبب الفوز”.

“مدة جروس انتهت النهارده بالسلامة، الدوري هيضيع، رأيي من الأول أنه فاشل، ده بني آدم ظالم عندي كافر، العند في دماغه، أيمن حفني عمله إيه، لما يكون عندي لاعب بحجم مدبولي مالعبش ليه، فين محمد حسن، ده مجرم، محدش يتكلم معايا، عقده انتهى جت من عند ربنا، والله هناخد الدوري باللعية الرجالة اللي عندنا، عقده انتهى وركب الطيارة وروح النهارده”.

مرتضى عقب رحيل جروس هاجمه في العديد من التصريحات التليفزيونية: “جروس مجنون كان بيسيب اللاعيبة ويروح يسكر، عندي مدرب محترم دلوقتي، السنة اللي فاتت الراجل تعبنا الراجل مجنون دلوقتي قاعد في البيت عمال يسكر لو مدرب عالمي كان زمانهم جابوه”.

لم يكتف مرتضى منصور بالتصريحات التليفزيونية ولكنه هاجم جروس خلال مؤتمر في الزمالك وعرض صورة له مؤكدا أنه كان مخمورا: “إزاى أقعد جروس فى النادى وهو سكران أحنا فى مجتمع إسلامى”.



Source by مدرب الزمالك الجديد (3).. جروس «الظالم الكافر المجرم الخمورجي» «خسرت 7 نقط وانت بتلعب في مناخيرك»

الوسوم
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock